واسكن بعيد او هنا مهش مهم المكان

كون للحبيب سوسنه كون للحبيب الامان

هتعيش حياتك هنا وتكون صحيح انسان

****************

كان لي صاحب وكان بيحب كل البشر

للكل بيصاحب ولا عمره يوم انحشر

في شئ ما بيخصه .سالني مره ليه

فيه ناس كتير فرحت لما قلبي انكسر

**********

الخلق مترصصه كام الف متر طابور

قسم بتتوزع عجله حياه بتدور

اللي انزنق واتحشر خد حظه واتمتع

واللي وقف والتزم ما جاش عليه الدور

******

الليل طويل والفجر لسه بعيد

والقمر غايب وشموعي مش بتقيد

خايف من الضلمه سمعت صوت بيقول

يا متعسه اللي يقضي عمره وحيد

ومعاك وخدني في كل سكه مافتني

العب بعيد صوتك يجيني يشدني

ولو بتوه بلقاك ادين بتضمني

ماانساش انا انك كتير دلعتني

عمرك في يوم ما ضربتني

عمرك في يوم ما شتمتني

وسقطت انا ولا لمتنيييي

لا والغريبه انك يوميها نصحتني

ابعد عن الاحزان

مديت خطاك وسبقتني

وفتحت لي الدكان

وخطبت لي وجوزتني

وعزمت لي الخلان

وانت اللي علمتني

ان البشر الوان

وانت اللي شجعتني

اشرب انا الدخان

الله يرحمك يابا

كان نفسي لو علمتني

اذاي اصلي الفرض

واذاي اصوم رمضان

**********

بالبت دي مبهور

زارع غيطان قلبه

بكلمه حرفيين نور

حرفين ما ينفعش

ينضاف لهم تالت

مالت عليه البت

ما اتعالت

همس الولد همسه

شهرين وفي التالت

قادت شموس الفرح

وبعيني شفت النور

وف عش هادي طرح

بنوته بدر بدور

قبل السنه ما تدور

قاعد بعيد الولد

ما اعرفش ليه

مقهور